Front Page | Page 4| Page 6

Vol 1, Num 7 (Jan-Mar, 1997)                     Page 5               ANG TANJAYANON NEWSLETTER
...................

Dili Gid Palupig

“Abaw, bal-an mo sa amon sa Ilo-ilo,” ni-ingon tong hambuguerong Ilonggo, “kalapad man sa mga karsada, pero perme gid puno sa mga kotse. Amo ngani na nga kada pusod gid may pulis.” Tubag pud atong otrong mas hambuguero pa gyung Tanjayanon nga di pud palupig, “Aw, sa amo ‘no-on sa Tanjay, ‘Pare, tanang pulis may pusod.”

Peboritism?

Sa ato, diha’y nag-pabunyag. So guipangutana ni Padre Roca ang amahan kon unsa’y ingalan niya sa bata. “Toyota, Padre”, mitubag ang amahan. “Uy, yamat, di puede”, ingon ni Padre Roca. “Dili puede’ng ngalan sa awto ang ibunyag sa atong mga ka-anakan.” “Apan, Padre, misugot ka man lagi sa among silingan nga ngalan sa awto and ibunyag sa iyang anak.” “Ha?” nakuyawan intawon ang pari, ‘“unsa ma’y ngalan sa iyang anak?” “Mercedes,” mitubag ang amahan.

Contributed by Precy Torres-Laxina
Norwalk, CA

The Many faces of love

Tia Bing (wife of the late Tio Tavoy Lopez and mother of Douglas and                 Raglin): Ako, kanang akong file sa Ang Tanjayanon na-a ra gyud                 na perme sa akong kwarto. Kay ug wala na ngani ko’y lingaw, ah,                 akong ra nang basa-basahon.

Hati Zerna-Colgrove (lady nurse-entrepreneur): Duha nang akong files:                 usa sa bedroom, usa sa bathroom.

Jovito (Zaldi) Ybanez (P.E. / Dir of Eng’g, KERRO INC): Nagpadala                 ko’g Ang Tanjayanon sa ato sa Tanjay. Ila ko’ng gui-ingnan kon                 mahimo sa sunod ipa ubay-ubay ang mga kopyang ipadala. Ngano,                 kay ilang ipang-dis- tribute? Dili di-ay. Kana konong Ang                 Tanjayanon ma- ayo konong i-haling ug kalayo. Kusog mosiga.

Bastos!

Uy, bastos man ka-ayo ‘tong Ang Tanjayanon sa October-December issue. Pagkahuman nako ug basa ako dayong guilok-lok, gui-hipusan ug ma-ayo, kay mahadlok ko’g makit-an sa akong bana. Bo-utan ra ba ni siya ka-ayo. Basi’g maka-ingon akong bana nga kitang mga Tanjayanon mga bastos di-ay. Unya, ti-aw mo na, pagka sunod adlaw nag-estorya mi, natingala ko kay iya na man nang guihisgutan ang mga jokes nga iyang nabasa. Bali gyud niyang katawa. Enjoy siya kaayo. Nakit-an di-ay niya ag akong guihipusang Newsletter. Di ba mahimo’g ato na lang ning i-monthly, instead of quarterly?

Eda C. Gotardo
Danville, IL

(Eda is a new-found close relative. She is a pretty nurse, the daughter of cousin Felipe Calumpang and Leonisa Quingco (who we heard had a grand celebration during their golden wedding anniversary a few months back in Tanjay. Congratulations, pero, sus, wala gyud mangimbitar!). Her husband, Dr Carlos Gotardo, is a well-known internist in Danville in Illinois, and is among the most respected leaders in their community. Gingging, her sister, also a very pretty nurse, lives with them. We hope to get invited during her wedding!)

Sufulafat guikan sa Tafanjafay

“ . . . Mora’g may pagka-bafastofos tong inyong katapusang issue. Ayaw ana, ‘Dock, mag-bafantafay ka kay mga bafatafa diri kusog mo-bafasafa sa Ang Tanjayanon. Unya maka-safabufut ra ba gyud na sila ka-ayo. Ma-ayo ra ninyo diha sa Amerika kay inyong mga bafats difil man maka-safabs. Furthermore, diri pa gyud sa Tanjay, duna ra ba gyuy kopya ang atong Mafayofor, hasta ang atong pafarifi sa kumbento. Basig ang mga mafadrefe maka-bafasafa pud. Pastilan, maka-ufulafaw kaayo . . .

Inday Ida
Tanjay, Negros Oriental

(Inday Ida’s letter was “3 pages long - 4 pages of which” were all tambag, may-may, pahimangno and pamalandong. There was a reminder of the “eternal fires of hell for those who speak bad words, etc., etc., etc . . .” Bless me, Father for I have sinned . . .)

Chinese coconut

Pangutana 1:       Ambi, ngano mang dili putlon sa mga Insek ang mga lubi sa                            Tambacan?
Tubag 1:             Kay ang mga parte sa lubi puro paryente sa mga Insek: sila                           si Boh Tay, si Lang Kai, si Lu Kai, si Boh Kong, si Tah                           Kong, si Poh Tooot . . .
Pangutana 2:       Kinsa mang santosa gabitay sa lubi?
Tubag 2:            Si San Gutan (sanggutan ba sa tuba).
Contributed by Inday Rue Limbaga-Sibala
Tulsa, Oklahoma

Fatal Attraction

Ika-usa diha, nasayo ko’g uli guikan’g ga-duty. Pagsulod nako sa balay, uy, nadungog nako si Peping (iyang gwapo ug boutang bana) sulod sa kwarto nga gakatawa. Unya nahunong. Toud-toud, katawa na pud, mora gyu’g gui-gitik. Kinsa kaha’y kauban anang animala na sa kwarto? Mao di-ay ni iyang buhaton ug wala ko diri, ha? Guitan-aw ko sa maka-usa pa ang among wedding picture diha sa bung-bung, unya nagkinto kong mihinay-hinay paingon sa kwarto. Sa nagkurog kong mga kamot (kinahanlan ‘tag sentimental background music ining dapita), guikuptan ko ang doorknob, guihinay pagliso, dayong guipakalitan ko’g abre ang pultahan - ug nakita ko si Peping naghigda, enjoy kaayong gabasa sa Ang Tanjayanon . . .

Tita Cusio-Gorospe
Placencia, CA

Front Page | Page 4| Page 6